Məhsul Menecerliyi

Məhsul menecerliyi məhsulun necə və niyə idarə edilməsi sualını cavablandıran strateji bir funksiyadır. Şirkətin inkişafı üçün məhsul hədəflərini düzgün şəkildə planlaşdırmaq, hər kəsin ortaq bir təşkilati məqsədə doğru işləməsini təmin etmək məhsul menecerliyinin əsas funksiyonallığıdır. Bu idarəçilik təşkilatlarda davamlı strateji vəzifələri əhatə edir və daim inkişaf prosesinə təkan verir. Bir çox ağıllı şirkətlər, xüsusilə İT məhsullarının yaradıldığı layihələrdə fəaliyyət göstərən, daxilində böyük İT bölmələrinin olduğu şirkətlər bu vəzifələri yerinə gətirmələri üçün məhsul menecerlərinə ehtiyac duyurlar.

Məhsul Meneceri kimdir?

Mükəmməl bir məhsul meneceri bir mühəndisin beyninə və bir diplomatın nitqinə sahibdir. Onun əsas rolu İT məhsulunun yaradılması üçün müştərilərin ehtiyaclarını başa düşmək, strategiya və inkişaf planı hazırlamaq, həmçinin prosesdə iştirak edən komandaların birgə işinin təşkil edilməsi prosesidir. Məhsul meneceri, məhsulun hansı xüsusiyyətlərinin və funksionallığının olmasına qərara verir.

Nə öyrənirəm?

Proqramlaşdırma bilikləri tələb etməyən bu peşə daim texnoloji trend və yenilikləri öyrənməyə, layihə idarəetməsi və təşkilati bacarıqları təkmilləşdirməyə imkan yaradır. Tədris proqramının sonunda MVP təyin edilməsi, PRD sənədinin hazırlanması və istifadə edilməsi, kəmiyyət və keyfiyyət metodları, UX dizayn prosesi, Waterfall və Agile inkişaf metodologiyaları və məhsul iterasiyası kimi vacib biliklər alacaqsınız.

Tədris saatları

Proqram mənə nə qazandırır?

Tədris proqramını uğurla başa çatdırmış məzunlar sertifikat əldə edir. Əlavə olaraq, tədris proqramında təqdim olunan materiallar sizi beynəlxalq sertifikat imtahanlarını keçməyiniz üçün də hazırlayır. Məhsul meneceri olmağa hazırlaşırsınızsa, Scrum Master və ya Product Owner / Manager üzrə sertifikatlar əldə etməyiniz sizə iş mühitində üstünlük qazandıracaqdır.

Qeydiyyat mərhələsi

Onlayn müraciət

Onlayn müraciət formunu dolduraraq ətraflı məlumat ala və ya  görüş təyin edə bilərsiniz.

Konsultant ilə görüş

Proqramların detallı məzmunu və tədris forması ilə tanış olmaq üçün proqram konsultantı ilə görüşə bilərsiz.

Qeydiyyatı tamamla

Müqavilənin bağlanması və təhsil haqqı ödənişini Akademiyaya gələrək və ya online edə bilərsiniz.

Hərtərəfli Dəstək

Karyera planlaması

ATL Akademiya, tələbələrə uyğun təhsil proqramının seçilməsindən başlayaraq, peşəkar bacarıqlara (vaxtın idarə edilməsi, düzgün kommunikasiya və s.) yiyələnmək və iş axtarışı kimi bir çox mövzularda fərdi konsultasiya, inkişaf təlimləri, sınaq texniki və davranış müsahibələri keçirməklə dəstək göstərir.

Mentor dəstəyi

ATL Akademiyada, həftəlik nəzəri dərs saatlarından əlavə olaraq, ATL Tech şirkətinin peşəkar proqramçılarından ibarət heyət tərəfindən həftəlik praktik məşğələlər keçirilir, tədris proqramı boyunca daim tələbələrin suallarını cavablayır və çətinlik yarandığı anda onlara köməklik göstərirlər.

İşə qəbul imkanı

Hər bir məzun olan şəxs və tədrisinin son aylarında olan tələbələrin CV və portfolioları ilk növbədə ATL Tech şirkətinin İnsan Resursları departamenti tərəfindən işə qəbul üçün dəyərləndirilir və digər müvafiq şirkətlərə yönləndirilir.

Təcrübə proqramı

Akademiya məzunları ATL Tech şirkətində təcrübə keçmək imkanı qazanırlar. Akademiya, öz məzunları ilə yanaşı, proqramlaşdırma sahəsində karyera qurmaq istəyən şəxsləri də texniki imtahan nəticəsində təcrübə proqramı ilə təmin edir.

Qeydiyyat formu

ATL Akademiyada qeydiyyatdan keçmək, tədris proqramı ilə yaxından tanış olmaq və ya əlavə suallarınızın cavablandırılması üçün formu doldurun, sizə uyğun olan vasitə ilə əlaqə saxlayaq.